Crispy Love
(The Past, Present and my Future?)
_Rufino Tan Garcia Jr.
Sa mahabang panahon na ika’y nakapiling, ang siyang tanging naging laman ng puso ko…sa tingin mo ba ay ganoon na lamang kadali ang kalimutan ang lahat?Ang wika ng puso’t isipan ko’y hindi pa panahonpara iwanan ang kahapon, tama, hindi pa dapat gayong tanging ala-ala mo lamang ang bumubuhay sa akin sa kasalukuyan. Nasaan ka man ngayon, alam kong hindi mo guto na magkaganito ako- ang kaawaan ng iba ngunit papaano mo pipigilan ang puso kong hanapin ka? Na panatilihin ka dito …dito kung saan dati mong pag aari, ang lugar na dati mong pinuno ng kulay- ang buhay ko. Sana’y naririnig mo ito … sana…
Wala akong anumang pinanghahawakan na katibayan ng iyong pagbabalik ngunit hindi nito ibig sabihin na hindi na tayo magtatagpo, malay sa susunod nating buhay at panahon ….basta balang araw. Baliw na kung baliw pero tanging pakiusap ko ay hayaan na lamang ako sa sitwasyong ganito, pakiusap…
Sa gaanito ko na lamng ibubuhos ang aking buong pangungulila…ang pangungulila na siyang sumalubong sa akin ng ika’y lumisan. Sa totoo lang ay ni walang galit o pagkamuhi akong nararamdaman sa puso ko dahil wala na siguro itong puwang at paglagyan. Ikaw na nakapagpatotoo ng aking mga panaginip, ikaw na nagbalik ng liwanag at nagparanas sa akin kung papaano maging masaya at higit sa lahat – ang kumumpleto sa akin.
Oo, iniwan mo nga ako ngunit wala akong pakialam bagkus naiintindihan ko pa. Kung isisilang akong muli sa mundong ito ay tanging ikaw pa rin ang aking iibigin at pagaalayan ng aking buong buhay. At kahit na paulit-ulit mo man akong iwanan ay maluwag kong tatanggapin dahil siguro nga’y kapalaran ko na ito.
No comments:
Post a Comment